Менaџерот на Челси, Лиам Росeниoр, го оцени како успешен настапот на својот тим во победата над Чарлтон со 1-5 во третото коло на ФА Купот. Ова беше дебитантски натпревар за него како стратег на „сините“.
„Добар старт, професионално. Мислам дека нашиот прв гол дојде во решавачки момент од натпреварот, блескав гол на Јорел Хато. Квалитетот на играта на моите играчи беше одличен. Силен почеток, нешто на кое ќе надградуваме пред средбата во среда против Арсенал во полуфиналето на Лига купот.
Головите го менуваат текот на натпреварот, а тоа зависи од квалитетот на играчите. Отворањето на резултатот беше навистина одлично. Имам фантастичен тим и многу сум задоволен од почетниот состав. Мислам дека Гиу беше фантастичен, заслужи да постигне гол. Постојат многу позитивни работи. Беше силен старт, но не треба засега да се возбудуваме премногу“, изјави Росениор.
