Португалската легенда Кристијано Роналдо продолжува да урива рекорди со националниот дрес. Синоќа напаѓачот постигна уште два гола за „морепловците“ во светските квалификации против Ерменија.
Роналдо се запиша двапати во триумфот со 5-0. Со тоа, бројката на погодоци во натпревари од светските квалификации порасна на 38 гола во 48 средби. Така тој го надмина големиот ривал Лионел Меси, кој има 36 голови во 72 квалификациски натпревари.
Роналдо се доближува сè повеќе до Карлос Руис од Гватемала, кој го држи рекордот за најмногу постигнати голови во светски квалификации.
