Португалската ѕвезда Кристијано Роналдо му испрати порака на Килијан Мбапе по реализацијата на трансферот во Реал Мадрид. Тој долги години беше најголемиот ас на „Сантијаго Бернабеу“, а Мбапе му се воодушевуваше кога беше мало момче.
„Сега е мојот ред да те гледам. Возбуден сум што ќе те гледам како ќе го запалиш „Бернабеу“, му порача Роналдо на Мбапе.
Французинот истакна дека му се исполнил сонот со трансферот во Реал Мадрид и дека едвај чека да заигра за „кралскиот клуб“, а тоа го отслика со фотографиите каде како мало момче се радува дека е во друштво токму со Кристијано Роналдо.
