Фудбалски земјотрес во Абу Даби! Ал-Аин приреди сензација уште на стартот од азиската Лига на шампионите, откако со неверојатни 4-0 го декласира Ал-Наср и му нанесе тежок пораз на тимот предводен од Кристијано Роналдо.
Домаќинот одигра фантастичен натпревар и во ниту еден момент не му дозволи на саудискиот гигант да ја преземе контролата.
Првиот гол стигна во 24. минута. Хусеин Рахими ја искористи грешката во одбраната на гостите и го доведе Ал-Аин во водство.
Ал-Наср не успеа да возврати, а по паузата следуваше целосен распад на фаворитот. Рахими повторно се запиша во листата на стрелците во 63. минута за 2-0, а само девет минути подоцна Софијан Рахими зголеми на убедливи 3-0.
Точка на големиот триумф стави Јоргос Јакумакис во 85. минута, кога ги постави конечните 4-0.
Кристијано Роналдо беше целосно неутрализиран. Португалската суперѕвезда не успеа да направи разлика, а Ал-Наср во текот на целиот натпревар не најде решение за одлично организираната одбрана на домаќинот.
