Италијанскиот првак Јувентус го совлада Интер со 1-2 во Милано во првиот полуфинален меч од Купот на Италија. Кристијано Роналдо им пресуди на „нероаѕурите“ постигнувајќи ги двата гола за „старата дама“. Реваншот е по седум дена во Торино, а Јувентус е поблиску до пласман во финалето.
Интер поведе на куп-пресметката меѓу големите ривали, со голот на Лаутаро Мартинез во деветтата минута. Но, Кристијано Роналдо израмни од пенал во 26.минута, а девет минути подоцна се погрижи и за целосен пресврт.
