Дефанзивецот на Барселона, Роналд Араухо, доби одмор на неодредено време од клубот откако беше поднесено официјална барање за период на отсуство. Претставниците на уругвајскиот репрезентативец во понеделник оствариле разговор со спортскиот директор на клубот, Деко, откако Араухо не беше вклучен во составот за мечот со Алавес во саботата, кој Барселона го доби со 3-1.
Араухо беше исклучен од игра при поразот од Челси во Лигата на шампионите минатиот вторник со 0-3. Потоа го пропушти триумфот над Алавес, со кој каталонскиот тим се искачи на врвот на табелата во Ла Лига.
На Араухо му беше дозволено да земе пауза по барање на неговите агенти. Деко ја прифати желбата на 28-годишниот играч да се повлече привремено од фудбалот, при што клубот останува посветен да му обезбеди потребно време за одмор и опоравување.
Според „Мундо Депортиво“, Араухо ја поднел барањето затоа што не верува дека моментно може да даде доволен придонес за Барселона. Во објавата се додава дека централниот дефанзивец се плашел дека би можел „да му наштети“ на тимот доколку се обиде да игра на сила.
Тренерот на Барселона, Ханси Флик, објасни пред натпреварот со Атлетико Мадрид во вторникот.
„Се работи за личен проблем, не сакам да кажам повеќе. И ве молам, ако можете да го почитувате ова, ќе бидам благодарен.“
