Рома ја оствари 13. победа во Серија А оваа сезона совладувајќи го Удинезе на „Олимпико“ со 3-0. „Волчицата“ славеше со двата гола на Џордан Верето во првиот дел и погодокот на Педро на самиот крај од дуелот.
Македонскиот репрезентативец Илија Несторовски доби шанса во финишот од мечот и влезе во игра во 85.минута во тимот на Удинезе, на местото на Валас.
Рома поведе рано, уште во петтата минута со голот на Верето. Дваесет минути подоцна тој погоди и од белата точка за 2-0, а Педро во судиското продолжение стави печат на новиот триумф на римјаните.
