Рома славеше на гостувањето кај Лече со 0-2 во 19. коло од италијанската Серија А.
Фудбалерите на Џанпјеро Гасперини ја оправдаа улогата на фаворит во Апулија и без поголеми проблеми ставија крај на негативната серија од три последователни порази на гостински терен во првенството.
„Волчицата“ рано дојде до водство. Во 14. минута Еван Фергусон ја реализираше убавата тимска акција, користејќи ја асистенцијата на Дибала и го отвори резултатот на натпреварот.
Писили подоцна ја затресе мрежата, но неговиот погодок беше поништен поради офсајд, а до крајот на првиот дел Фергусон имаше уште една добра можност, која голманот Фалконе успеа да ја одбрани.
Во второто полувреме Лече се обиде да биде поофанзивен и се закани преку Пјероти, но домашните не успеаја сериозно да го загрозат голот на Рома. Тимот, кој поради суспензија беше предводен од Фабрицио Дел Росо наместо Еузебио Ди Франческо, не најде решение за играта на гостите.
Прашањето на победникот беше решено во 71. минута, кога Артем Довбик го пренасочи ударот на Писили и ги постави конечните 2:0.
Со овие три бода Рома се искачи на четвртата позиција на табелата со 36 бодови, додека Лече останува на 16. место со 17 бодови.
