Рома убедливо ја совлада Џенова со 3-1 на „Олимпико“ и со тоа се искачи на четвртото место на табелата во Серија А со 33 освоени бодови, само три помалку од водечкиот Интер.
Римјаните ја решија средбата уште во првите триесет минути, кога со силно темпо и висока ефикасност постигнаа три погодоци. Матијас Суле во 14. минута ја казни грешката на одбраната на гостите и го отвори резултатот, а само пет минути подоцна Ману Коне ја удвои предноста.
Во 31. минута, конечниот удар во првото полувреме го зададе Еван Фергусон, носејќи комотни 3-0 за домашниот тим. Џенова успеа да го ублажи поразот во самиот финиш, кога во 87. минута Џеф Екатор го постигна почесниот погодок.
