Рома е на добар пат да го финализира трансферот на младиот напаѓач Еван Фергусон од Брајтон, откако двата клуба постигнале договор за зделка во форма на заем со опција за откуп, објавува „Скај Спорт Италија“. Според информациите, конечната вредност на трансферот, заедно со бонусите, ќе изнесува околу 38 милиони евра.
Преговорите меѓу клубовите траеле извесно време – почетната понуда на Рома била околу 30 милиони евра, додека англискиот клуб инсистирал на сума поблиска до 40 милиони. На крајот е постигнат компромис што вклучува заем за сезоната 2025/26 и клаузула за откуп што ќе се активира следната година.
Откако е постигнат договорот меѓу клубовите, останува Рома да ги договорат личните услови со 20-годишниот напаѓач од Република Ирска, што не се очекува да биде проблем.
Фергусон ги мина последните шест месеци како позајмен играч во Вест Хем и е дел од системот на Брајтон од 2021 година.
Младиот талент уште претходно бил под радарот на Џанпјеро Гасперини во времето кога тренерот ја водеше Аталанта, па сега, откако Гасперини е кормилар на Рома, се очекува конечно да соработува со напаѓачот.
