Бразилскиот крилен напаѓач на Реал Мадрид, Родриго, ќе остане во тимот и во новата сезона, пишува „Марка“. 24-годишниот фудбалер остварил разговор со новиот тренер, Чаби Алонсо, по кој бил задоволен од тоа што го слушнал.
Во последните неколку недели се појавија шпекулации за иднината на Бразилецот. За него интерес покажа Арсенал.
Родриго е дел од Реал од 2019 година, кога беше доведен од Сантош. Неговиот договор трае уште три сезони.
Во минатата сезона тој постигна 14 голови и имаше 10 асистенции на 51 натпревар.
