Напаѓачот на Реал Мадрид, Родриго, не размислува за трансфер во Тотенхем. И покрај тоа што се појавија информации дека лондонскиот клуб покажал интерес за бразилското крило и бил подготвен да понуди 90 милиони евра, конкретни преговори со Реал Мадрид не се воделе.
Родриго би размислувал за заминување од Реал само доколку се појави понуда од клуб кој е на повисоко ниво од Тотенхем.
Играчот бара годишна плата над 10 милиони евра, но не го гледа Тотенхем како привлечна дестинација за него.
Неговиот договор со „кралскиот клуб“ трае до летото 2028 година.
