Интер Мајами донесе ново звучно засилување од Европа, официјализирајќи го трансферот на Родриго де Пол од Атлетико Мадрид.
Аргентинскиот репрезентативец е близок пријател на Лионел Меси, а токму Меси бил тој што инсистирал на негов ангажман како клучна алка во амбициите за освојување трофеи оваа сезона. Во настојувањата да го убедат Меси да остане и да потпише нов договор, челниците на клубот, претставувани од Дејвид Бекам, решија да ја исполнат неговата желба и постигнаа договор со играчот и со Атлетико.
Мадридскиот клуб ќе инкасира 15 милиони евра, а Де Пол, откако ќе ги помине лекарските прегледи, ќе стави потпис на тригодишен договор со тимот од Мајами.
