Ѕвездата на Манчестер Сити и шпанската репрезентација, Родри, успешно ја мина операцијата на грбот и наскоро ќе започне со рехабилитација, пренесува „Атлетик“.
Според информациите, шпанскиот играч од средниот ред ќе биде надвор од терените само краток период, а лекарските прогнози се оптимистички дека ќе биде подготвен за пресметката со Арсенал во англискиот Суперкуп, која е закажана за 16 август.
Родри подолг период чувствувал непријатност во пределот на грбот, поради што било донесено решение да биде извршен оперативен зафат за целосно да се отстрани проблемот.
Во сезоната 2025/26, шпанскиот репрезентативец настапи на 33 натпревари во дресот на Манчестер Сити и постигна два погодоци. Дополнително ја круниса успешната година со освојувањето на светската титула со Шпанија на Мундијалот 2026, каде беше прогласен и за најдобар фудбалер на турнирот.
Во меѓувреме, медиумите продолжуваат да шпекулираат дека Родри ги договорил личните услови со Реал Мадрид и дека негов трансфер на „Сантијаго Бернабеу“ останува реална можност.
