Еден од најважните фудбалери во селекцијата на Шпанија, играчот за врска Родри, е категоричен дека тој и неговите соиграчи го одиграа еден од своите најдобри мечови воопшто како национален тим, но против Аргентина на финалето вечерва ќе треба да се претстават уште подобро за да може „црвената фурија“ да дојде до својата втора светска титула.
Иберијците се справија исклучително добро против „петлите“ во полуфиналето со победа од 2-0, иако избраниците на Дидие Дешамп беа сметани за фаворити.
Вечерва Шпанците излегуваат против актуелниот светски шампион Аргентина во натпреварот за најважниот трофеј во фудбалот, од 21 часот по македонско време во Њу Џерси.
„Дури можеме да се справиме и подобро. Мислам дека против Франција одигравме еден од најдобрите мечови што сме ги играле како национален тим воопшто. Но против Аргентина мислам дека мора да го подигнеме нивото, бидејќи тие се актуелниот шампион. И навистина сум уверен дека можеме да го направиме тоа“, изјави Родри пред вечерашниот двобој.
