Новиот играч за врска на Барселона, Родри, откри дека лично го информирал тренерот на Реал Мадрид, Жозе Мурињо, за одлуката да ја прифати понудата на каталонскиот гигант наместо онаа од „кралскиот клуб“.
Светскиот шампион беше слободен агент и имаше понуди од двата шпански гиганти, но на крајот се одлучи за преселба на „Камп Ноу“.
„Не беше воопшто лесна одлука. Не е лесно да му кажете „не“ на Реал Мадрид, особено затоа што кон мене се однесуваа навистина одлично“, изјави Родри во интервју за „Мундо Депортиво“.
Тој откри и дека по донесувањето на одлуката директно му се јавил на Мурињо.
„Односот беше одличен. Кога ја донесов одлуката, му се јавив на Мурињо за да му се заблагодарам за интересот и за начинот на кој се однесуваше кон мене. Го сметам за одличен тренер. Тоа го докажал секаде каде што работел, а Реал Мадрид ќе биде тежок противник во оваа лига“, додаде Родри.
Поранешниот играч на Манчестер Сити објасни дека морал внимателно да ги разгледа сите аспекти пред да избере меѓу два од најголемите клубови во светот.
„Морав да анализирам многу работи и да донесам исклучително важна одлука меѓу два од најдобрите клубови во светот. На крајот, одлуката ја донесов врз основа на спортскиот план, на она што повеќе ме привлече и на разбирањето каде можам најмногу да освојувам трофеи и да напредувам како играч.
