Агентот на шпанскиот репрезентативец Родри, Пабло Баркеро, потврди дека неговиот клиент одлучил да му се приклучи на Барселона и ја одбил понудата од Реал Мадрид.
Играчот од средниот ред веќе ги договорил личните услови со каталонскиот клуб, а следниот чекор е Барселона да започне преговори со Манчестер сити за финализирање на трансферот.
Се очекува зделката да биде вредна околу 50 милиони евра. Родри веќе одбил да потпише нов договор со „граѓаните“, а неговиот актуелен договор со англискиот шампион истекува следното лето.
„Од почит кон Реал Мадрид, Родри ги информираше дека избрал да премине во Барселона“, изјави Баркеро за емисијата „Ел Ларгуеро“.
