Новото засилување на Барселона, Родри, го сподели своето мислење за шансите на каталонскиот гигант во Лигата на шампионите. Тој призна дека тимот има амбиција да стигне до трофејот, но не смета дека каталонскиот тим е фаворит во натпреварувањето.
„Да, секако верувам дека оваа цел е целосно остварлива. Може да се каже дека тоа е последниот чекор што треба да го направиме за да се етаблираме и да ѝ покажеме на цела Европа каков тим сме всушност. Во исто време, сепак, не мислам дека сме фаворити. Мора да бидеме свесни од каде тргнавме и да разбереме што точно е потребно за да станеш шампион. Овој состав сè уште треба да усоврши доста детали за да стигне до врвот“, изјави Родри за „Мундо Депортиво“.
„Играчите како мене доаѓаат делумно и поради тоа – за самите да напредуваат, но и да му го дадат на тимот оној елемент кој, според мене, е клучен за освојување на толку специјални трофеи како Лигата на шампионите. За мене, ова не е натпреварување што едноставно го освојува најсилниот тим. Лигата на шампионите е натпреварување на моменти – исклучително важно е да почувствуваш кога е вистинскиот момент за реакција. Можеби токму тоа е вештината што сè уште му недостига на овој тим. Но, ако ме прашувате дали имаме шанси – непотребно е да кажувам дека дојдов тука токму поради тоа“, додаде Родри.
Барселона го започна настапот во најпрестижното европско клупско натпреварување со убедлива домашна победа од 5-1 против Феенорд.
