Холандија би можела да направи изненадувачки избор за нов селектор, откако во комбинација се појави Роберто Мартинез.
Според информациите, претставници на Холандската фудбалска федерација веќе одржале приватна средба со шпанскиот стратег во Малага. На разговорите била разгледана можноста Мартинез да ја преземе репрезентацијата.
Доколку договорот биде постигнат, Мартинез би влегол во историјата како првиот странски селектор на Холандија по речиси пет децении.
Шпанецот последно ја предводеше Португалија, со која настапи на Светското првенство. Сега, неговото име сериозно се разгледува како потенцијално решение за испразнетото селекторско место кај „лалињата“.
