Жозе Мурињо со Бенфика се врати на „Стемфорд Бриџ“ во рамките на второто коло од Лигата на шампионите, каде што го дочека неговиот поранешен клуб Челси.
За Португалецот, ова не е обично гостување – тој двапати го предводеше лондонскиот тим и во тие два периода освои осум трофеи, оставајќи силен белег во историјата на клубот.
Затоа и дочекот беше спектакуларен: публиката на стадионот се крена на нозе и во еден глас го поздрави со скандирање, а Мурињо емотивно возврати со бакнежи кон трибините.
„Специјалниот“ првпат седна на клупата на Челси во 2004 година и остана до 2007, за потоа да се врати повторно во 2013 и да остане до 2015 година.
