Актуелниот македонски шампион, Вардар, подготовките за претстојниот предизвик во Лигата на шампионите ќе ги реализира во италијанската база Норчија.
Сепак, експедицијата на „црвено-црните“ на почетокот ќе биде некомплетна.
Поради репрезентативните обврски за Македонија на пријателските средби со БиХ во Сараево и со Турција во Истанбул, клубот одлучи да им излезе во пресрет на своите репрезентативци. Давор Талески, Бобан Николов, Дарко Велковски, Ѓорѓије Јанкулов и Азер Омерагиќ добија заслужени дополнителни денови за релаксација, а на тимот во Италија ќе му се приклучат на 13-ти јуни.
