Македонскиот второлигаш Тиквеш ремизираше (1-1) со српскиот клуб Динамо Врање на пријателскиот натпревар што се одигра во Охрид. Головите на овој дуел беа постигнати во второто полувреме.
Тиквеш поведе со автоголот на Никола Јовановиќ кој ја погоди сопствената мрежа во 62.минута. Динамо Врање возврати со погодок од пенал девет минути подоцна. Млаѓан Стевановиќ го реализираше ударот од белата точка и го израмни резултатот.
