Фудбалерот за врска на Манчестер Сити, Тијани Рејндерс, изјави дека играчите треба да останат смирени и покрај двата последовни порази.
Вчера Пеп Гвардиола направи 10 промени во составот и „граѓаните“ загубија со 0-2 од Баер Леверкузен во Лигата на шампионите, а пред неколку дена тимот загуби и од Њукасл во Премиер – лигата.
„Се разбира дека е разочарувачки, но не треба да ја губиме самодовербата, бидејќи претходно игравме одлично и треба да се вратиме на победите, а тоа ќе се случи ако добро се подготвиме за нашиот следен натпревар во сабота, дома против Лидс. Не треба да паничиме. Секако, да се загубат два последовни натпревари не е добро, но сè уште имаме многу шанси оваа сезона“, изјави Рејндерс.
