Американецот Пелегрино Матарацо е назначен за нов шеф на стручниот штаб на шпанскиот фудбалски клуб Реал Сосиедад, соопштија од клубот.
Договорот на 48-годишниот стручњак е до крајот на следната сезона. Претходно тој беше тренер на германските клубови Штутгарт и Хофенхајм.
На 14 декември, Шпанецот Серхио Франсиско беше разрешен од функцијата главен тренер на Реал Сосиедад. Јон Ансотеги ја извршуваше улогата на привремен тренер на гостувањето кај Леванте (1-1).
По 17 одиграни натпревари, Реал Сосиедад има 17 бода и се наоѓа на 16. место на табелата во шпанското првенство. Во следниот натпревар, на 4 јануари, тимот ќе го пречека Атлетико Мадрид.
