Реал Мадрид покажува интерес за дефанзивецот на Ајнтрахт Франкфурт, Натаниел Браун, објавија германските медиуми. 22-годишниот лев бек се наоѓа на листата на „кралевите“ за летниот трансфер период.
Скаутите на Реал го следеле Браун во живо на натпреварите против Келн и Аталанта.
Конкретен интерес за германскиот репрезентативец покажува и Барселона, додека Манчестер Јунајтед исто така ја следи ситуацијата со него.
Ајнтрахт ја проценува вредноста на Браун на околу 60 милиони евра, а неговиот договор е до летото 2030 година.
Оваа сезона, Натаниел Браун има 18 настапи во сите натпреварувања, а претходно беше доведен од Нирнберг за само 3 милиони евра.
