Јан Диоманде, фудбалерот кој е една од главните трансфер-цели на Реал Мадрид, денес им се приклучи на подготовките на Лајпциг во Австрија. Напаѓачот изминатите денови не беше со тимот, што предизвика шпекулации дека е пред преселба на „Сантијаго Бернабеу“.
Сепак, спoред „Скај Германија“,, причината за неговото отсуство била здравствен проблем. Репрезентативецот на Брегот на Слоновата Коска закрепнувал од инфекција, а сега е целосно подготвен да им се приклучи на соиграчите.
Во меѓувреме, преговорите меѓу Реал Мадрид и Лајпциг продолжуваат. Последната понуда на шпанскиот гигант изнесува околу 120 милиони евра, додека германскиот клуб бара уште 10 милиони. И покрај разликата во преговорите, се очекува двете страни наскоро да постигнат конечен договор.
Диоманде веќе ги договорил личните услови со Реал Мадрид и, доколку трансферот биде реализиран, ќе потпише договор со „кралскиот клуб“ до 2031 година.
