Рафаел Леао откри дека сака нов предизвик надвор од Милан и призна дека Премиер – лигата би била неговата омилена дестинација. Португалскиот репрезентативец смета дека англискиот фудбал повеќе му одговара на неговиот стил на игра, а се осврна и на тешката сезона обележана со повреди и тактички проблеми.
Леао дополнително ги поттикна шпекулациите околу својата иднина со признанието дека бара нови предизвици. Тој сугерираше дека тактичките барања во Серија А не одговараат целосно на неговиот стил и дека преселбата во странство би можела да му помогне целосно да го реализира својот потенцијал.
Дваесет и шестгодишниот фудбалер ги посочи Премиер – лигата и Ла Лига како натпреварувања во кои неговиот талент би дошол до израз, но јасно нагласи дека трансфер во Англија би го направил особено среќен.
„Чувствував дека можам да направам разлика, но начинот на кој играше тимот не ми го дозволуваше тоа. Ми треба нов предизвик. Италијанската лига напредува, но за мојот стил на фудбал, Премиер – лигата или Ла Лига подобро би го истакнале мојот талент. Ако ми се укаже можност да играм во Премиер – лигата, би бил многу среќен. Мислам дека таму би можел да го спојам својот талент со играчи кои се на многу високо ниво“, изјави Леао.
