Домаќинот Тиквеш, Работнички и Беласица ќе бидат дел од годинашниот традиционален турнир „Вуко Каров“ во Кавадарци кој од оваа година ќе се игра во летен термин.
„Вуко Каров“ оваа година ќе се одржи на 3. август како увертира за новите домашни шампионати од Првата и од Втората лига.
Од раководството на ФК Тиквеш информираа и дека ќе следи реконструкција на Градскиот стадион во Кавадарци.
„Обезбедени се околу 400.000 евра за реконструкција на стадионот. Приоритет во реконструкцијата ќе биде теренот, но и поставување систем за осветлување како во иднина во Кавадарци би се играле натпревари и во ноќен термин“ – информираше претседателот на Тиквеш, Миле Масларков.
