Европскиот првак Пари Сен Жермен ја додаде и Интерконтиненталната титула на ФИФА. По пенали, францускиот клуб славеше против бразилскиот Фламенго со 2-1, откако регуларниот дел заврши 1-1, а во продолженијата немаше значајни возбудувања.
Бразилците промашија дури четири пенали – Саул Нигез, Педро, Лео Переира и Луис Араухо не беа прецизни, па ПСЖ го освои трофејот и покрај тоа што и Дембеле и Баркола промашија удар од 11 метри. Сепак, Витиња и Нуно Мендеш беа успешни, додека единствениот реализиран пенал за Фламенго беше од Николас де ла Круз.
Во регуларниот тек на натпреварот, ПСЖ поведе со голот на Хвича Кварацхелија во 38. минута, а Жоржињо израмни од пенал во 62. минута.
Со овој триумф, ПСЖ ги обедини европската и светската титула во меѓународниот клупски фудбал.
