По елиминацијата на Ливерпул од Пари Сен Жермен во Лигата на шампионите, капитенот на „црвените“, Вирџил ван Дајк, беше забележан во разговор со претседателот на ПСЖ, Насер Ал-Келаифи, и спортскиот директор, Луис Кампос.
Ова предизвика шпекулации за можен трансфер на Ван Дајк во ПСЖ, особено бидејќи неговиот договор со Ливерпул истекува ова лето.
Сега пристигнуваат информации дека ПСЖ му нуди на Ван Дајк двегодишен договор вреден 40 милиони евра, со опција за продолжување на уште една сезона, како и потенцијални бонуси со вкупна заработка од дури 50 милиони евра до 2027 година.
Овие настани го ставаат Ван Дајк во фокусот на вниманието пред летниот трансфер период, со неколку европски гиганти заинтересирани за неговите услуги. Еден од нив е Баерн Минхен, а Холанѓанецот наводно е блиску до преселба во Германија.
