Францускиот гигант Пари Сен Жермен ќе биде без грузискиот крилен напаѓач Квича Кварацкелија за гостувањето кај Барселона во групната фаза на Лигата на шампионите, кое е закажано за утревечер.
Кварацкелија беше заменет на полувремето во домашната победа над Оксер во саботата поради повреда на бутниот мускул.
Во составот на парижаните се враќаат Витиња, кој излезе од игра кон крајот на првото полувреме против Оксер, и Жоао Невеш, кој ги пропушти последните два натпревари во Лига 1 поради повреда на бутниот мускул.
Капитенот Маркињос исто така ќе го пропушти мечот поради повреда на бутниот мускул.
Пари Сен Жермен ќе настапи со намален капацитет и во нападот, бидејќи носителот на „Златната топка“, Осман Дембеле, и Дезире Дуе се сè уште во фаза на рехабилитација.
