Манчестер Сити обезбеди пласман во полуфиналето на Лига купот, откако на „Етихад“ славеше победа од 2-0 против Брентфорд.
Рајан Шерки беше играчот што го отвори резултатот во 32. минута со атрактивен погодок. По изведен корнер, тој ја дочека топката и од околу 20 метри упати вистински „проектил“ во аголот за водство од 1-0.
Во второто полувреме, Савињо ја потврди победата со гол за конечни 2-0.
Со овој триумф, Манчестер Сити го продолжи својот настап во натпреварувањето во кое минатата сезона беше елиминиран уште во осминафиналето, додека за Брентфорд ова значеше крај на авантурата во Лига купот.
