Белгискиот интернационалец Дрис Мертенс ќе го продолжи престојот во Белгија најмалку уште една седмица затоа што мора да продолжи со рехабилитацискиот процес поради повредата на глуждот.
Мертенс отсуствува подолг период, го нема на терените од 16 декември, а замина во Антверпен на препорака на клупските лекари за да добие соодветен третман на повредената нога. Но, процесот не оди најбрзо, Мертенс ќе мора најмалку уште седум дена да остане во Белгија, а дури потоа да го планира враќањето во Неапол и камбекот на терените.
