Нови проблеми со коронавирусот во Наполи. Пред утрешниот дуел со Џенова, тренерот Џенаро Гатузо остана без клучниот фудбалер од одбраната, централниот дефанзивец Калиду Кулибали. Тој, заедно со Фаузи Гулам, доби позитивен тест на Ковид-19 и веднаш е изолирани од останатиот дел од тимот.
„По денешното тестирање, Калиду Кулибали е позитивен на Covid-19. Фудбалерот нема симптоми, но веќе е во самоизолација во својот дом“, објави Наполи.
Сенегалецот ќе го пропушти реванш полуфиналниот меч од Купот на Италија против Аталанта, но и дерби против Јувентус во Неапол кое е закажано за наредниот викенд.
