Крилниот напаѓач на Реал Мадрид, Винисиус Жуниор, и понатаму инсистира на плата од 30 милиони евра и бонус за потпис при евентуално продолжување на договорот со клубот. Според „Атлетик“, токму ова е причината зошто преговорите се во застој во последните неколку месеци.
25-годишниот Винисиус е дел од Реал од 2018 година, а неговиот договор важи уште две сезони. Досега, Бразилецот има одиграно 322 натпревари за „кралскиот клуб“, при што постигнал 106 голови и има 83 асистенции.
Се очекуваше Реал Мадрид наскоро да го објави новиот договор со Вини до 2030 година, но тоа нема да се случи. Развој на ситуацијата е можен по завршувањето на сезоната 2025/26.
Во дресот на бразилската репрезентација, Винисиус има одиграно 41 натпревар и постигнато седум голови.
