Познати се сите четири четвртфинални двојки на Светското првенство 2026, откако беше одигран и последниот натпревар од осминафиналната фаза.
Последен патник меѓу осумте најдобри селекции е Швајцарија, која вечерва ја елиминира Колумбија по подобро изведување пенали.
Во четвртфиналето Швајцарците ќе се соочат со Аргентина, која претходно денеска приреди спектакуларен пресврт и со 3:2 го совлада Египет.
Во останатите четвртфинални пресметки ќе се сретнат Франција и Мароко, Шпанија и Белгија, како и Норвешка и Англија.
Први на терен ќе излезат Франција и Мароко во четврток од 22:00 часот, додека четвртфиналната програма ќе биде затворена со дуелот меѓу Аргентина и Швајцарија, кој ќе се игра во ноќта меѓу сабота и недела, со почеток во 03:00 часот по македонско време.
Четвртфинални двојки:
- Франција – Мароко (четврток, 22:00)
- Шпанија – Белгија (петок, 21:00)
- Норвешка – Англија (сабота, 23:00)
- Аргентина – Швајцарија (недела, 03:00)
