Манчестер Јунајтед стигна до реми 1-1 со европскиот клупски шампион Пари Сен Жермен во пријателски натпревар во Гетеборг, но резултатот остана во втор план поради повредата на Мејсон Маунт.
Англискиот играч од средниот ред, кој во Јунајтед пристигна од Челси во 2023 година, има проблеми со повреди откако дојде на „Олд Трафорд“. Тој издржа помалку од 20 минути на теренот, откако беше стартер против ПСЖ.
Се чини дека 27-годишниот Маунт се повредил во пределот на стапалото во Шведска. По разговорот со стручниот штаб покрај аут-линијата, тој го напушти теренот и беше заменет од Тајлер Флечер.
Во текот на првите три сезони во Манчестер Јунајтед, Маунт запиша само 54 настапи во Премиер – лигата, при што во голем број од нив влегуваше како замена.
