Шкендија излезе како победник од големото дерби во ПМФЛ, откако тетовскиот тим славеше со 0-2 на Националната Арена „Тодор Проески“ против актуелниот шампион.
Гостите одиграа зрел и дисциплиниран натпревар и заслужено стигнаа до трите бода, а по завршувањето на дуелот својата анализа ја даде тренерот на Шкендија, Артим Положани.
„Мислам дека ова беше целосно заслужена победа. Голема заслуга имаат момците, бидејќи одиграа навистина одличен натпревар. Почетокот не беше најдобар, особено првите 20 минути, но тоа е разбирливо ако се земат предвид условите во кои игравме. Дополнително, зад нас беше тежок натпревар во Шкотска.
Освен почетниот период, мислам дека во продолжението сè одеше во наша корист. Момците заслужуваат целосни пофалби за прикажаното. Ова дерби беше психолошки исклучително тешко, особено затоа што игравме против тим кој минатата сезона ја освои шампионската титула“, изјави Положани.
