Македонскиот прволигаш Пелистер ја крои зимската подготовка за вториот дел од сезоната, а клучниот дел од подготовките ќе се реализира во Турција. Битолскиот клуб најпрво ќе тренира на домашен терен, по што експедицијата ќе се пресели во Анталија.
Од 17 до 31 јануари, „зелено-белите“ ќе ја темпираат формата во познатиот турски тренинг-центар, каде што преку интензивни тренинзи и серија контролни натпревари ќе се подготвуваат за продолжението на Првата македонска фудбалска лига.
Во рамки на подготовките во Анталија, Пелистер ќе одигра три меѓународни пријателски натпревари:
20 јануари против Спартак Суботица од Србија
24 јануари против Железничар од Босна и Херцеговина
28 јануари против узбекистанскиот Невбахор Наманган
