Македонскиот прволигаш Пелистер го објави Лукас Кардозо како најново засилување за тимот. Тој повторно се враќа во Битола и треба да ја засили навалната линија во составот на Влатко Костов.
„Задоволство ни е да ја известиме фудбалската јавност дека Лукас Кардозо е старо-нов фудбалер на ФК Пелистер. Лукас игра на левата крилна позиција, но истовремено може да ги покрива и сите три позиции во нападот.
Кардозо претходно има играно и за ФК Партизани, ФК Дрита, КС Беса, ФК Кизиљар, ФК Балкани, Ал Нафт, ФК Персекат и Баталхао“, објавија од Пелистер.
