Пелистер го заокружи формирањето на стручниот штаб за новата сезона, кој ќе работи под водство на новиот шеф, Борче Христов.
Во неговиот тим ќе бидат искусни соработници кои ќе имаат важна улога во подготовката и развојот на екипата. Функцијата прв асистент ќе ја извршува Трајче Стојковски, втор асистент ќе биде Горан Ганчев, Илче Петровски ќе биде задолжен за работата со голманите, додека за физичката подготовка на фудбалерите ќе се грижи кондициониот тренер Саше Велјановски.
Од клубот очекуваат преку професионална работа, максимална посветеност и заедничка енергија да ги исполнат поставените цели и да изградат конкурентен тим. Засега најголеми засилувања се Мартин Мирчевски, Симеон Христов, Петар Љамчевски и Јорданчо Наумоски, останаа и Стефан Спировски и Кире Ристевски, како и неколку помлади фудбалери.
Амбициите на Пелистер се експресно да се врати во Првата лига.
