Српскиот фудбалски великан Партизан се наоѓа во незавидна ситуација, и тоа во клучен дел од сезоната. Проблемот со поранешниот фудбалер Никола Антиќ и неизвршените обврски може скапо да ги чини – не само финансиски, туку и со потенцијално губење на лиценцата за учество во европските натпреварувања на УЕФА.
Иако Антиќ веќе се пресели во Казахстан, тој очигледно не е подготвен да ги заборави долговите од престојот во Хумска. Интересно е тоа што, според српските медиуми, ниту еден официјален документ за договорот или постапката не бил испратен до Фудбалскиот сојуз на Србија, што само дополнително ја компликува ситуацијата.
Комисијата за лиценцирање на ФСС му дала краткорочен рок од 48 часа на Партизан, тоа им остава минимално време на „црно-белите“ да најдат решение и да избегнат евентуална казна што може да ги остави надвор од Европа.
Останува да се види дали ќе успеат да се договорат и да ја завршат оваа сага во последен момент.
