Флорент Османи и Симеон Христов се најдобрите стрелци во двете домашни второлигашки конкуренции по есенскиот дел од шампионатите. И двајцата, со Струга ТЛ и со Борец Велес, и во продолжението од сезоната во израмнета „битка“ за епитетот – голгетер број еден во Втората лига.
Флорент Османи е на чело на листата на најдобрите стрелци во Втората лига – Запад. Изминатава сезона како член на Гостивар стигна до бројката од седум погодоци, за да зимава реализира трансфер во редовите на лидерот Струга Трим Лум па сега со стружани во трка за нови голови. Ист број погодоци има и Александар Целески од Кораби, а на третото место меѓу најдобрите стрелци на западот е Игор Клечкароски од Лабуништа со шест голови. Исто толку имаат и Љавдрим Скендери од Гостивар и Благојче Главевски од Пелистер.
Во Втората лига – Исток, Симеон Христов во есенскиот дел постигна десет погодоци во дресот на Борец Велес. Исто толку има и неговиот досегашен соиграч Бојан Колевски, но Колевски завршувајќи ја позајмицата во пролетниот дел се врати во Вардар. Александар Мишов од Тиквеш исто така има осум погодоци, а Ристе Наумов од Брегалница е со досега седум постигнати голови.
