Објавени се номинациите за „Globe Soccer Awards“ во сите категории. Свечената церемонија за доделување на наградите ќе се одржи во Дубаи на 28 декември.
За признанието „Играч на годината“ ќе се борат Осман Дембеле и Витиња од ПСЖ, Килијан Мбапе од Реал Мадрид, како и Рафиња и Ламин Јамал од Барселона.
За „Тренер на годината“ номинирани се Чаби Алонсо (Реал Мадрид), Микел Артета (Арсенал), Луис Енрике (ПСЖ), Ханс-Дитер Флик (Барселона) и Енцо Мареска (Челси).
Барселона, Челси, Фламенго, Ливерпул и ПСЖ ќе конкурираат за наградата „Најдобар машки тим на годината“.
Признанието „Најдобар млад играч на годината“ може да заврши кај Пау Кубарси (Барселона), Дезире Дуе и Жоао Невеш (ПСЖ), Арда Ѓулер (Реал Мадрид) или Кенан Јилдиз (Јувентус).
Во трката за „Најдобар играч од Блискиот Исток“ се Карим Бензема (Ал-Итихад), Салем Ал-Довсари (Ал-Хилал), Ријад Махрез (Ал-Ахли) и Кристијано Роналдо (Ал-Наср).
Ќе бидат доделени и награди по позиции. Номинирани за „Најдобар напаѓач“ се Осман Дембеле и Квича Кварацкелија (ПСЖ), Килијан Мбапе (Реал Мадрид), како и Рафиња и Ламин Јамал (Барселона). За „Најдобар играч од средниот ред“ ќе се избира меѓу Џуд Белингам (Реал Мадрид), Витиња и Жоао Невеш (ПСЖ), Кол Палмер (Челси) и Педри (Барселона).
