Фудбалерот на ПСЖ, Осман Дембеле, ја доби наградата за најдобар играч во 2025 година на ФИФА „The Best“.
Францускиот фудбалер претходно ја освои „Златната топка“, а со наградата „The Best“ само потврди дека беше најдобар изминатата сезона.
Познат е и најдобриот тим според ФИФА, кој го сочинуваат: Донарума, Хакими, Пачо, Ван Дајк, Мендеш, Палмер, Белингем, Витиња, Педри, Дембеле и Јамал.
Во женска конкуренција, најдобра е шпанската фудбалерка Аитана Бонмати.
За најдобар тренер во 2025 година е избран Луис Енрике од Пари Сен Жермен.
