МАКФУДБАЛ во Букурешт,
Никола Ѓуровски
Фудбалската репрезентација на Македонија вечерва (20.45 часот) на Националната арена во Букурешт го почнува патот за мундијалот во Катар 2022 година. Селекторот Игор Ангеловски се најде во проблем по вчерашната повреда на Дарко Велковски и ќе мора да направи одредени промени во стоперската линија.
Аријан Адеми исто така не е максимално подготвен за настап и ќе остане на клупата за резервни фудбалери, но на теренот ќе истрча офанзивна Македонија.
Илија Несторовски и капитенот Горан Пандев ќе бидат во нападот, а ќе им се придодава и Елиф Елмас како офанзивен играч за врска.
Зад него ќе делуваат Енис Барди и Бобан Николов, потпомогнати од Стефан Ристовски и од Езгјан Алиоски на страничните позиции.
Во дефанзивното трио треба да играат Егзон Бејтулаи, Висар Муслиу и Кире Ристевски, а на голот ќе биде Столе Димитриевски.
