Манифестацијата „Спортисти на годината“ за 2025 година, која беше закажана за 18 декември, се одложува поради доставување дополнителни спортски остварувања реализирани во месец декември.
Работната група задолжена за спроведување на активностите поврзани со организацијата на манифестацијата, со цел да обезбеди транспарентен и фер однос кон сите спортисти, оцени дека доставените резултати треба соодветно да се вреднуваат, а спортистите кои ги оствариле да бидат вклучени во номинациите.
Изборот за најдобри спортисти за 2025 година, со дополнетите номинации, ќе се одржи во текот на јануари 2026 година во НОБ, во организација на Сојузот на спортски федерации на Македонија, со поддршка од Министерството за спорт.
Во иднина, сите наредни избори ќе се организираат по овој принцип, односно по завршување на календарската година.
