Јувентус и Лече одиграа 1-1 во 18. коло на Серија А, а вечерва голманот Владимир Фалконе беше главниот херој за гостите.
„Старата дама“ доминираше во првото полувреме, создавајќи низа шанси – Дејвид, Меккени, Камбијасо и Локатели не успеаја да ја совладаат одбраната на Лече и фантастичниот Фалконе. Но шокот дојде во судиското продолжение на првото полувреме: Камбијасо направи катастрофална грешка, а Ламек Банда мајсторски ја погоди мрежата за 0-1.
Јувентус одговори веднаш по паузата. По акцијата на Локатели и Жегрова, топката стигна до Кенан Јилдиз, чиј удар го одби Фалконе, но Меккени беше на вистинското место и израмни за 1-1.
Најдобрата шанса за пресврт дојде во 66. минута, кога Јувентус доби пенал по играње со рака на гостите. Џонатан Дејвид, сепак, го промаши – Фалконе повторно ја одбрани топката и го зачува нерешениот резултат.
Последниот момент за победа беше во 90+4 минута, кога ударот на Кенан Јилдиз заврши во дирекот.
Со 33 поени, Јувентус останува на петтата позиција, додека Лече е 16-ти.
