Од записникот: Гостивар најавиле пред натпревар дека ќе напуштат терен ако губат?!

Нов скандал се случи на денешниот натпревар од Првата лига меѓу Гостивар и Работнички. Во 85.минута, домашниот тим, по „наредба“ на раководството на клубот, при резултат 1-2 одлучи да го напушти теренот и да не го доигра до крај.

Вакво самоволие е втор преседан, откако тоа го направи и Воска Спорт на мечот против Вардар (1-1) во Охрид.

Во записникот од овој натпревар, главниот судија Игор Стојчевски има наведено дека по самото пристигнување на стадионот, пред натпреварот од страна на лице кое носело акредитација, судиите добиле известување дека доколку го загубат натпреварот, ќе го напуштат теренот. На крајот, тоа и се случи.