Од Кочани дојдоа во светот, а сега дојдоа во Вадуц да му оддадат почит на своето Кочани

Макфудбал во Вадуц,

Огромна трагедија ја погоди Македонија, кога на 16. март 59 млади луѓе го загубија животот во трагичниот пожар во дискотеката „Пулс“ во Кочани. Целата држава сѐ уште е во денови на жалост, а жалат и сите Македонци кои живеат ширум Европа, а ги напуштиле огништата во изминатите години.

Во Вадуц пристигна група на Македонци кои сега живеат во Швајцарија, а потекнуваат од Кочани. Тие дојдоа да ја поддржат фудбалската репрезентација на Македонија, но и да оддадат почит за настраданите во огромната трагедија.